My Chess Life

TERTUTUP KELATE 2012

Akhirnyo ado pulok petandinge kat Kelate nih. Meme hok kito tunggu2 doh ni Tertutup Kelate. Mace hok kito janji doh, petandinge ni jadi acaro tahune doh. Tahniah PCNK atah usoho murni nih. Jadi, jange tunggu lamo2, daftar selaluh! Segalo maklumak hok perlu kawe letok bowoh ni:

Formak: 9 pusinge Swih
Maso: 45 menek soghe
Tepak: Blok A, UiTM Mache, Kelate
Haghi: 27 & 28 Januari (Jumaat & Sabtu)
Yure: ikok ketegori

Tebukok Jate nga Tino samo2 RM30 (tapi kalu jadi ahli PCNK RM20 jah)
Bowoh 18 nga bowoh 12 RM20 (tapi kalu jadi ahli PCNK RM10 jah)

Pah lagu mano nok jadi ahli? Sene jah, isi bore, baya RM5. Tapi keno tengok la syarak2 duluh:

1. Beranok di Kelate, IC 03, 28 nga 29.
2. Dok Kelate, belaja atau kijo (sekure2nyo 2 tahun)
3. Penoh wokel Kelate
4. Ayoh atau mok ada IC 03, 28 nga 29 (ghasonyo oghe tuo takdok IC 28 nga 29 nih)
5. Alamak Kelate dale IC.

Pah lagu mano nok tahu ketegori? Selaing dari tengok umor dale IC dan jengok dale seluar, syarak2 khas untuk budok2 ado jugok. Mano2 budok jate hok rating MCF lebeh dari 1599 keno maing ketegori Tebukok Jate. Mano2 budok tino hok rating MCF lebeh dari 1299 pulok keno maing ketegori Tebukok Tino.

Maklumak lanjot gi la jengok blog PCNK.